Pages


 

Monday, June 25, 2012

အရောင်စုံပြောင်းသောသူများအကြောင်း၏ အဆက်ဖြစ်ပါသည်။

0 comments


အားလုံးမဟုတ်ပါ။ အချို့သာဖြစ်သည်။ အတ္တကြီးလွန်းသူ၊ ကိုယ်ကျိုးစီးပွားကို သာမန်ထက် လိုအင်ဆန္ဒကြီးသူများ၊ သတ္တိနည်းသူများ(သတ္တိရှိချင်ယောင်ဆောင်သူများ)၊ မြှောက်တတ်သူများ (မည်သူ မျှ မမြောက်ဖူးပါ၊ လေပေါသူများ) အပြုအမူအပြောအဆို ဟန်ပန်ကိုကြည့်ရင် အလားတူသူကတော့ ဦးစိုးသိန်းလိုဝန်ကြီးမျိုးပေါ့ ဟန်ဆောင်ကောင်း၍ သရုပ်ဆောင်ကောင်း၍ တပ်မတော်(ရေ) ဦးစီးချုပ် ဖြစ်ခဲ့ သည်။ သူ၏သရုပ်ဆောင်ကောင်းမှုကြောင့် လူကြီးများ သူ၏အတွင်းသရုပ်ကို မသိမမြင်လိုက်ပေ။

စစ်အစိုးရနောက်ပိုင်းကာလတွင် ၀န်ကြီးဖြစ်ခဲ့ရာ အားထုတ်ကြိုးပမ်းသည်။ စက်မှု(၂)၀န်ကြီးဘ၀ တွင် ဦးသန်းရွှေက ကားကြီးအင်ဂျင်ထုတ်ပါဆိုတာနဲ့ နှစ်လ သုံးလအတွင်း ကားကြီးအင်ဂျင်ထုတ်ပြီးပြီ လာကြည့်ပါ။ လိုက်ကြည့်ပါနဲ့၊ ဘူဒိုဇာ၊ ကရေဒါ၊ xxxx ထုတ်ပါဆိုရင် အလားတူပဲ ပြီးပြီ၊ လာကြည့်ပါပေါ့။ စက်ရုံမှာတော့ အင်ဂျင် တစ်လုံးစနှစ်လုံးစ ပြထားသည်။ ဘယ်ကရှာတင်ထားလဲမသိ။ လူကြီးပြန်သွား တာနဲ့ မရှိတော့ဘူး။ ဆက်ထုတ်တာလည်းမရှိဘူး။ ခုထိ စက်မှု(၂)ကထုတ်တဲ့ကားအင်ဂျင် ဘယ်ပြည်သူ သုံးသလဲ?၊ ဘယ်ဈေးကွက်မှာမှမရှိဘူး။ ဂျပန်၊ တရုတ် အင်ဂျင်များသာရှိသည်။ သို့သော် လူကြီးတွေ စိတ်ထဲ ဘယ်လိုရှိသည်မသိ ဦးစိုးသိန်းက ခိုင်းရင်ချက်ချင်းလုပ်တယ်လို့ မှတ်ချက်ရလေသတည်း။ အသိအမှတ်ပြုခံရဖို့သာ သူ့ရည်ရွယ်ချက်ဖြစ်သည်။ အင်ဂျင်နှင့် ယန္တယားကြီးများ ထွက်မထွက် သူ-မကြိုး စားပါ။

၂၀၁၁ ခုနှစ် ဇွန်လမှာ ပြည်တွင်းမှာ ဒေါ်လာဈေးကျဆင်းနေသည့်အတွက် သမ္မတ ဦးသိန်းစိန်က ဒေါ်လာဈေးတက်လာအောင်ကြံကြပါ၊ ကြိုးစားကြပါ၊ နည်းလမ်းရှာကြပါလို့လဲပြောရော ဦးစိုးသိန်းဘာလုပ် သလဲ မျက်နှာရတဲ့အလုပ်ဖြစ်လို့ လက်မလွတ်စေရပါ။ တခါတည်း သူ့စက်မှုဇုန်က ကားထုတ်သူတွေဟာ ပုံစံမမှန်ဘူး၊ နိုင်ငံခြားပစ္စည်းများနေသည်ဟု အပြစ်ပြော၍ ကားတစ်စီး ဒေါ်လာတစ်သောင်းမှ နှစ်သောင်း ဒါဏ်ရိုက်လိုက်တော့တာပဲ။ သမ္မတကြီးကို သူ ဒေါ်လာဈေးတက်အောင် ဒီလိုစီမံလိုက်တယ်ဆိုပြီး မဟာ စီးပွားရေးပညာရှင်ကြီးသဖွယ် မွှန်းလိုက်လေတော့သည်။ သမ္မတကြီးသဘောကျသွားပြီ၊ ဦးစိုးသိန်း အောင်မြင်သွားပြီ။ စက်မှုဇုံက ကားထုတ်သူများ အကြီးအကျယ်ဒုက္ခခံစားကြရတာ သမ္မတမသိလိုက် သလား။ ခုထိ အရှုံးကြီးရှုံး၍ လုပ်ငန်းပျက်သွားသူ အများအပြားရှိသည်။ ဦးစိုးသိန်းကောင်းစားဖို့ သူတစ် ယောက်မဟုတ် လူအများပျက်စီးလေသတည်း။

ဝန်ကြီးအဖွဲ့တွင် ဦးစိုးသိန်းအတော်ဆုံးဟုပြောကြသည်။ သမ္မတထံ အပေါက်ရောက်ဆုံးဟု နာမည်ကျော်ကြားသည်။ သမ္မတကလည်းယုံသည်။ လက်ခံသည်။ ဦးစိုးသိန်းကမလိုသည့်ကိစ္စလဲ သမ္မတကပယ်ချအောင်လုပ်နိုင်သည်။ လက်ခံအောင်လုပ်နိုင်သည်။ ဟုတ်သည်မဟုတ်သည်အပထား၊ အစွမ်းအစရှိသည်ဟု မှတ်ချက်ပြုရမည်။ ဂျပန်ခရီးစဉ်တွင် ဦးစိုးသိန်းသာအဓိကဖြစ်ကြောင်း၊  အဆုံး အဖြတ်ကို သူပဲပေးသည်ဟု သတင်းသမားများကပြောသည်။ သမ္မတကိုတင်ပြလိုက်တိုင်း တွေ့ဆုံပွဲမှာ ဦးစိုးသိန်းပြီးမှပြီးသည်ဟုဆိုကြသည်။ ကိုယ်ခွဲသမ္မတလားဟု ယူဆကြသည်။ ချဉ်းကပ်ပုံက အတုယူစရာပဲ၊ သမ္မတအပေါ် အတော်သြဇာလွှမ်းမိုးသည်။ အဆုံးအဖြတ်ကို ဦးစိုးသိန်းကပဲပေးတာပဲ။ သမ္မတကပဲ ပိုလည် သလား၊ ဦးစိုးသိန်းကပိုတော်သလား၊ စဉ်းစားစရာပဲ။

အရေးပါအရာရောက်အောင်လဲ တည်ဆောက်တတ်သည်။ MIC ဥက္ကဋ္ဌတာဝန်ကို ဦးတင်နိုင်သိန်း လက်ထဲမှ လွှဲပြောင်းရယူသည်။ ဘယ်လိုကုလားဖန်ထိုးလိုက်သည်ကို ဦးတင်နိုင်သိန်းမသိရှာပေ။ ဦးစိုးသိန်းက  ပိုလုပ်တတ်သည်ဟုပြောလေသည်။ ဦးတင်နိုင်သိန်းမှာ မရှိတဲ့သိက္ခာပဲကျန်တော့သည်။ ယခု MIC မှာ ဖြစ်သင့်သည်ထက် သူဖြစ်ချင်တာလုပ်နေပြီ။ သမ္မတက မသိချင်ယောင်ဆောင်နေသလား၊ ရင်းနှီးလိုသူ ပြည်တွင်း၊ ပြည်ပမှာ စီးပွားရေးလုပ်ငန်းတွေမရှင်သန်ပါ၊ မဖွံ့ဖြိုးပါ။ သမ္မတကပြောတာတခြား၊ ဖြစ်နေတာ က တလွဲပါ။ ကြည့်ကြပါအုံး။ ကယ်ကြပါအုံး။


(ဆက်လက်ဖော်ပြပါမည်။)

No comments: